Laali Laali Lyrics – Kamblihula Kannada Movie
Laali Laali Details:
Song Name : Laali Laali
Singer : Arfaz Ullal
Music : Shiva Prasad
Lyrics : Naman Gowda
Laali Laali Lyrics – Kamblihula Kannada Movie
ಹಸಿದ ಹೊಟ್ಟೆಗೆ
ತುತ್ತಿನ ಬಟ್ಟಲು ನೀನು
ನನ್ನ ನಿದ್ದೆಯ ಹೊತ್ತಿಗೆ ತೂಗುವ ತೊಟ್ಟಿಲು ನೀನು
ಚಂದ ಮಾಮನ ತೋರಿಸಿ
ಕಥೆಯ ಹೇಳಿದೆ ನೀನು
ಆ ಕಥೆಯಲಿ ಎಂದು ರಾಜಕುಮಾರನು ನಾನು
ನಿನ್ನ ಮಡಿಲಲಿ ನಾ ಬೆಚ್ಚಗೆ ಮಲಗಿರಲು
ಸೂರ್ಯ ಹುಟ್ಟೋದೆ ಬೇಡ ಸಾಕೆನಿಸಿತು ಒಡಲು
ಕಳೆಗಟ್ಟಿದೆ ಹಳೆ ನೆನಪಿಗೆ
ಏನೆಂದು ಹೇಳಲಿ
ಲಾಲಿ ಲಾಲಿ ಲಾಲಿ ಸುವ್ವಾಲಿ
ಜೋಗುಳ ಹಾಡಮ್ಮ
ನನ್ನ ಜನುಮ ನಿನ್ನ ಭಿಕ್ಷೆ
ಮರೆಯದಿಲ್ಲಮ್ಮ
ಲಾಲಿ ಲಾಲಿ ಲಾಲಿ ಸುವ್ವಾಲಿ
ಜೋಗುಳ ಹಾಡಮ್ಮ
ನನ್ನ ಜನುಮ ನಿನ್ನ ಭಿಕ್ಷೆ
ಮರೆಯುದಿಲ್ಲಮ್ಮ
ಬಸಿದೆ ರಕ್ತವ ಬೆವರಿನಂತೆ
ಕಂದನ ಕಣ್ಣಿಗೆ ಕಾಣದಂತೆ
ಹಗಲು ಇರುಳು ಎರಡು ಮರೆತೆ
ನೆರಳಿನಂತೆ ಜೊತೆಗೆ ನಿಂತೆ
ತಲೆಯ ಸವರಿದ ಕೈಗಳ
ತಡೆದು ನಿಲ್ಲಿಸಿ ಹೊರೆಟೆನು
ದಾರಿ ತಪ್ಪಿದ ಮಗನು ನಾನು
ನಿನ್ನ ಅರಿಯದೆ ಹೋದೆನು
ಲಾಲಿ ಲಾಲಿ ಲಾಲಿ ಸುವ್ವಾಲಿ
ಜೋಗುಳ ಹಾಡಮ್ಮ
ಹೆತ್ತ ಕರುಳ ಮರೆತ ಪಾಪಿ ನಾನಮ್ಮ
ಗುಡಿಯೊಳಗೆ ಪೂಜಿಸಲು
ಅರ್ಹಳು ನನ್ನ ತಾಯೇ
ಮನದೊಳಗೆ ಮಂದಿರವ ಕಟ್ಟಿರುವಳು ಕರುಣಮಯಿ
ನವಮಾಸ ಮಡಿಲಲ್ಲಿ
ಕಾಯುವಳು ಹೆತ್ತ ತಾಯಿ
ನೋವಲ್ಲೂ ನಗುವವಳು
ಒಬ್ಬಳೇ ಹೊತ್ತ ತಾಯೇ
ಜನನ ಮರಣ ಜಗದ ಸಂತೆ
ಅದಕೂ ಮೀರಿ ನೀ ಬೆಳೆದು ನಿಂತೆ
ಕರುಣೆ ಸಹನೆ ಮೂರ್ತಿಯಂತೆ
ದೇವರಿಗೂ ನೀ ಸ್ಫೂರ್ತಿಯಂತೆ
ಅದೃಷ್ಟವೋ ನನ್ನ ಪಾಲಿಗೆ
ನಿನ್ನ ಕಂದನು ನಾನಾಗಿಹೆ
ಹಾರಿ ಹೋಗಿರೋ ಹಕ್ಕಿ
ಮರಳಿ ಗೂಡು ಸೇರಲು
ಬಯಸಿದೆ
ಲಾಲಿ ಲಾಲಿ ಲಾಲಿ ಸುವ್ವಾಲಿ ಜೋಗುಳ ಹಾಡಮ್ಮ
ನನ್ನ ಜನುಮ ನಿನ್ನ ಭಿಕ್ಷೆ
ಮರೆಯದಿಲ್ಲಮ್ಮ
ಲಾಲಿ ಲಾಲಿ ಲಾಲಿ ಸುವ್ವಾಲಿ ಜೋಗುಳ ಹಾಡಮ್ಮ
ನನ್ನ ಜನುಮ ನಿನ್ನ ಭಿಕ್ಷೆ
ಮರೆಯದಿಲ್ಲಮ್ಮ
